Marilyn Strathern

Marilyn Strathern
Girton College (en) principal (en) 1998 - 2009 ← Juliet Campbell (en) - Susan J. Smith (en) →
Bizitza
Jaiotza	Iparraldeko Gales, 1941eko martxoaren 6a (83 urte)
Herrialdea	Erresuma Batua
Hezkuntza
Heziketa	Girton College (en) doktoretza Bromley High School (en)
Tesi zuzendaria	Esther N. Goody (en)
Hizkuntzak	ingelesa
Jarduerak
Jarduerak	antropologoa eta unibertsitateko irakaslea
Enplegatzailea(k)	Australiar Unibertsitate Nazionala  (1970 -  1976) Manchesterreko Unibertsitatea  (1985 -  1993) Cambridgeko Unibertsitatea  (1993 -  2008) Girton College (en)  (1998 -  2009)
Jasotako sariak	ikusi Britainiar Inperioko Ordenaren dama komendadorea  (2001) Balzan Prize  (2018) Leverhulme Medal  (2012) Fellow of the British Academy honorary Fellow of the Learned Society of Wales  (2018) honorary doctor of the Yale University  (2010eko maiatzaren 23a) Huxley Memorial Medal  (2004)
Kidetza	Britainiar Akademia Arteen eta Zientzien Ameriketako Estatu Batuetako Akademia Academia Europaea (en) Amerikako Sozietate Filosofikoa

Marilyn Strathern (sortzez, Ann Marilyn Evans) britainiar antropologoa da.

Londresko iparraldean jaio zen (Erresuma Batua), 1941eko martxoaren 6an. Cambridgeko Unibertsitatean egin zituen gizarte-antropologiako gradua, masterra eta doktoregoa. Edmund Leach, Meyer Fortes eta pareko antropologo entzutetsuekin jardun zuen lanean. Irakasle bisitaria izan zen Canberrako (Australia) Australian National Universityn eta Berkeleyko University of Californian. 1985etik 1993ra bitarte, gizarte-antropologiako irakaslea izan zen Manchesterko Unibertsitatean, eta gerora, Cambridgekoan. Gainera, Mistress of Girton College izan da, 1998. urteaz gero. 1994tik 2008ra, Cambridgeko Unibertsitateko William Wyse Professor of Social Anthropology izan zen, eta hantxe erretiratu zen 2009an.

Gizarte- eta kultura-antropologiako pertsona ezagunenetakoa da mundu osoan. Azpimarratzekoa da berak egindako lana eta Melanesiari zein Ozeano Bareari buruz egindako ekarpen teoriko eta etnografikoa, eta baita genero-ikerlanei eta antropologia feministari begira egindako lana ere. Irakaskuntzan eta ikerkuntzan eskarmentu handiko emakumea da, eta aintzatesten ugari jaso ditu mundu osoko unibertsitate-erakundeen eskutik. 1970. urtean, National Universityko New Guinea Research Uniteko Research Fellow izan da; eta gerora, Pacific Studies at the Australian National Universityko Research Schooleko Senior Research Fellow. Bestalde, Fellow eta Lecturer izan zen Girton Collegen (1976-83) eta Cambridgeko Trinity Collegen (1984-85). Manchesterreko Unibertsitatean eta batez ere Cambridgekoan (2004ra arte) izan zen bitartean, eta irakasle gonbidatu moduan Estatu Batuetan, Australian eta Europan egindako egonaldietan, antropologo gazteen belaunaldi baten aholkularia izan da; eta gazte horiek, gerora, Ozeano Barean eta beste toki batzuetan egin dute euren lana.